كرسى ....الاعتراف!!!!

اووووووووووووووووووووووووووووووك يا غاده
يلا يا كريممم مستعد
1 \ شخصيتك بتميل لايه يعنى يعنى بتحب الهزار ولى الحزن ولى ... ؟
2 \ هل انت شايف انك شخص عصبى ؟؟
3 \ لحظات تحب تتكرر و تعيشها تانى ؟؟
4 \ حاجه عملتها وبعدين ندمت عليها اووى ؟؟
5 \ ايه اكتر ماده بتحبها واكتر ماده بتكرها ؟؟
6 \ ايه اكتر موقف صدمك فى حياتك ؟؟
7 \ ياترى انت بتثق فى الناس بسهوله ولى صعب انك تثق فى حد ؟؟؟
8 \ مين اكتر واحد بتقوله على اسرارك ؟؟
9 \ شايف مستقبلك ازاى ؟؟
10 \ الاحساس بالامان بالنسبه ليك بيتمثل فى ايه ؟؟
ده اخر سؤال
11 \ ياترى انت عرفت المنتدى ده منين ؟؟؟ هههههههههههههههههه
يالا بقى يا كريم كفايه عليك دول دلوقتى
اوك
ولو عاوز تاانى مفيش مشاكل .. لو فى سؤال مش عاوز تجاوبه عاادى براحتك
وتحياتى ليك واتمنى باقى الاعضاء تدخل تسأل الجنرال عاوزين الموضوع يسخن ههههههه

حلوة اسئلتك يا رنا
ودلوقتى انا اللى هسالك
وهبدا بالاسئلة اللى انت سالتهالى
*من هو مثلك الاعلي ف الحياه ؟؟؟؟؟؟
* ما هو حلمك في الحياه ؟؟؟؟؟؟؟؟
* من هو اخر شخص تتذكره قبل النوم ؟؟؟؟
* ما هو رأيك في الحب ؟؟؟؟؟؟؟
فكرة حلوة صح
ودى بقى اسئلتى
1- انا عاوزاك تتكلم عن نفسك...بطريقتك
2-ياترى انت من النوع اللى بيتحمل المسئولية ولا لا؟؟؟
3- هل انت مستعد لدخول المرحلة الثانوية ؟؟؟ولو انت مستعد ياريت تقولنا ازاى؟؟؟
4- من رايك انا ورنا رخميين ودمنا تقيل ...مثلا يعنى ...ياريت تقول رايك فينا وبصدق؟!!!
5-هل حسيت قبل كده انك بتخون حد من صحابك /حبيبتك ؟؟؟؟
6- هل نفسك لما تكبر تيقى غنى ؟؟ قولنا ازاى تقدر تعمل كده ؟؟؟
7- يا ترى ايه رايك فى حياتك بصفة خاصة / وفى الحياة بصفة عامة ؟؟؟؟
--يعنى صعبة... سهلة ... وردية ...
8- لو كنت تقدر تغير شكلك كنت تحب تكون زى مين ؟؟؟
9- هل انت راضى عن نفسك ؟؟؟
10- يا ترى ايه هى هواياتك ؟؟؟
بـــــــــــــــــــــــــــــــــــــس
بيتهيقلى ان كده كفاية
يلا مستنين اجابتك

الله يا غاده على الاسئله
بجدددد حلوووه اوووى مع اسألتى كمان كده كريم خلااااص اتبهدل خااااالص
ههههههههههههههههههههههه
بس بصرحه اسأله فى الصميم مهمه اوووووووووووووووى
و بلييز يا كريم لما تيجى تجاوب على سؤال غاده بتاع انا وهى رخمين ابقى نافق شويه وانا مسامحه
هههههههههههههههههههههههههههههههههههههههههه
لالالا والله بهزر قول بصرااااااااااحه و عااادى انا وغاده بجد نتمنى تقول بصراحه وبنتقبل النقد البناء
و تحياتى ليك وللاسئله السخنه المولعه
هههههههه

ههههههههه
مرسى ليكى
واى خدمة يا جنرال

هههههههههههه
بس ياريت يدخل ويرد بسرعه
بس بصراحه صعبان عليا هيقعد يرد على الاسئله سؤال سؤال
هههههههههههههههههههههه
هيتصدم خااالص من عدد الاسئله
وانتى طبعاا يا غاده بتسألى براحتك ما انتى دورك خلص ومش خايفه انا الى لسه
وحاسه انه هينتقم فيا هههههههههههههههههههههه
وعلى رأى غاده اى خدعه يا جنرال
هههههههههههههههه

ههههههههههههههههههههه
وصدقينى يا رنا
لو هو ما انتقمش
فانا هنتقم

لالالالالالالالالالالالالالالا
وبتقوليها فى وشى يا ندله
اهىء اهىء اهىء
بس على فكره عاااااااااااااااااااااااااااااااادى والى عاوز يسأل يسأل
و بجد بتسلي اووى وبستمتع حتى لو انا الى بتسأل
وعادى يا جميل اسألى ان شاء الله ميت سؤال
وانا من عنيا هرد عليهم كلهممممممممم

من عنيا ميت سؤال هيكونوا جاهزين
وبعدين
انا تاكدت ان احمد بيتهرب صح ولا ايه؟؟!!!!

حرام عليكم الراجل اتسلخ ارحموه شويه من لا يرحم لا يرحم والله صعب عليا انا نص الاسئلة طبقتها على نفسى مش لاقيه ليها اجابة وانا هسال سوال واحد بس لانى مش بعرف اسال واعتقد ان اسئلة رنا وغادة بيتكفى وتفيض كمان بس هو سوال واحد علشان شكلى ما يبقاش وحش قول خمس امنيات فى حياتك وان حققتهم تعتقد انك بعد كده مش عايز حاجة من الدنيا يعنى اكتر خمس حاجات بتتمناها من الدنيا وشكرا

ماشى يا ميرنا سؤال واحد كوويس بردو على رأيك كفايه الاسئله بتاعتى انا وغاده
ههههههههههه
وعلى فكره سوألك حلووووووووووووووووو اووووووووى كمان
وربنا يعينك يا جنرال على ما تحلهم كلهم
و عقبالك يا ميرنا اما تقعدى على الكرسى هتنورى التوبيك
هههههههههه
وربنا يستر لما يجى عليا الدور ساعاتها مش هدخل المنتدى تانى
ههههههههههههههههههههههههههههه
وتحياتى للجميع

غصب عنك هتدخلى يا رنا
وبعدين ميرنتى ليها اسئلة تانية خالص
ايه العك اللى احنا بنعمله ده ....
ميرنا دى هيكون حدث تاريخى ليها لما تشرفنا

سوري يا جماعه اني اتأخرت في الرد

لا ولا يهمك
براحتك خالص
بس المهم انك تجاوب
ولو فى اسئلة مش عاوز تجاوبها متجوبهاش
اوك

1) مثلي الاعلي في الحياه ............. ابو تريكه
2) حلمي اني اتجوز من اللي بحبها و اطلع مهندس
3) حــــــــــــــبـيـبتي
4) انا بيتهيقلي جاوبت علي السؤال ده قبل كده وقولت ان الحب احلي حاجه في الدنيا
........................................................................
1) انا اسمي كريم مواليد 6/3/1995 احب الهزار جدا بس مش الهزار الرخم اوي احب الناس و احب الرومانسيه و الدفاع عن بلدي و كفايه كده احسن حد يفكر اني ...................
2) اه طبعا انا مستعد اتحمل المسئوليه بس ابويا مش عايزني اعمل حاجه
3) ان شاء الله مستعد جدا ... و ازاي دي انا بحاول اني اجيب كتب حد و احاول اخد فكره عن المنهج قبل الدراسه و مستعد اني مش هخرج من البيت و تليفوني هقفله
4) لالالا خالص انتم رخما بس ههههههههه بهزر والله انا شايف ان انتي صارمه يا غاده شويه لكن رنا في التراوه تحب تغيظك و تعاندك
5)لالالالالالالالالالالالا ابدااااااااااا
6) الغني بيضر الواحد مهما كان متواضع الناس هتقول كلام كتير عليه انا احب افضل زي ما انا مش عايز ابقي غني
7) حياتي متوسطه بين الصعبه و السهله
8 ) واغير من شكلي ليه لما ده يعتبر احلي شكل عند ربنا و مادام ربنا عارف انا حلو يبقي خلاص مش مهم اي حاجه
9) راضي عن نفسي من ناحيه ايه مش فاهم
10) هواياتي كره القدم و سماع الاغاني و احيانا كتابه الاشعار
بس خلالالالالالالالالالالالالالالالالالالاص كفايه

1) شخصيتي تميل الي الهزار والضحك و الي التعصب احيانا
2) انا قولت مره احياااااااااااانا
3) اللحظات اللي ببقي قاعد اتكلم فيها مع اللي بحبها
4) مفتكرش اني ندمت علي حاجه عملتها
5) اكتر ماده احبها عربي و انجليزي و اكتر ماده اكرهها الدراسات بنوعيها تاريخ وجغرافيا
6) يوم ما اتخانقت مع اللي بحبها
7) صعب جداااااااااااااا انك تثق في حد
مش بقول لحد علي اسراري
9) ان شاء الله باهر و مزدهر
10) انا بالنسبه ليه الامان انك تبقي قاعد مرتاح في حياتك يعني مفيش مشاكل في حياتك
11) انا اصلا قرايبي كلهم في ميت كنانه ف انا كنت بكتب ميت كنانه في جوجل و لقيت موقع المدرسه

بصراحة يا كريم ... ومن غير مبالغة
من اسئلتى انا حاولت اوقعك كذا مرة بس صراحة معرفش ازاى فلت منهم
دا عمر ما حد قدر يجاوبهم كده
انت شخصيتك كويسة جدا
بس واضح انك واقع جامداااااااااااااااااااااااا
ان مقدرش احدد اذا كنت رومانسى اوى زيادة عن اللزوم ولا لا
بس صراحة يعنى
انا بكره الرومانسية عما ..... يعنى بحس ان فى حاجات اهم بكتيرررر
ومن ناحية صارمة فانا صارمة جدا ومبحبش انى اغلط
ومن ناحية ان رنا فى التراوة فهى فعلا كده
واضح ان ربنا بينتقم منى
آآآآآآآآآآآآآه
بالرغم من اختلاف شخصيتى انا ورنا الا اننا تقريبا عمرنا ما اتخننقنا
ولا زعلنا من بعض .... ومعرفش ليه .....

سبحان الله
وفى النهاية
اتمنى انك تحاول تعيش حياتك صح
وياريت متخترش الاختيار التانى
ايه هو الاختيار التانى
لو كان مكتوبلك الاختيار هتعرف انا بتكلم عن ايه
اوك

انا اقصد
انت راضى عن نفسك من حيث
اخلاقك .. مستواك العلمى .... فكرك ..... يعنى
وياريت تشارك فى لازم نتغير
اوك

بقى كده ياكريم ماتجاوبش على سوالى عشان هو سوال يتيم وحزين وصغير بتفترى عليه الظاهر ان انا لازم اكتب قصيدة اسئلة علشان تجاوب عليها بجد كتير عيب الافتراء على الصغير

ههههههههههههههههههههههههههه
معلش يا ميرنا
يلا بقى يا كريم ازاى بس تنسى سؤال ميرنا
لالالالالالالالا
اكيد منسيش
صح ولا ايه

ههههههههههههههههههههههه
صحيح يا بت يا ميرنا
هو كده جزائك انه صعب عليكى ههههههههههههه
انتى الى ركيكه (رقيقه هههه ) اوووى الافترى هو الى هينفع بعد كده
و متزعليش يا قمر سؤالك على رغم انه صغير بس عاوز تفكيررررررر جااااامد
واكيييد هو بيجهز الرد ....

حرام عليكى يا رنا
ارحمى البت شوية

و الله انا جاوبت عليه بس النت كان فصل ونسيت والله انا اسف

الجنرال كريم كتب:

4) لالالا خالص انتم رخما بس ههههههههه بهزر والله انا شايف ان انتي صارمه يا غاده شويه لكن رنا في التراوه تحب تغيظك و تعاندك

هههههههههههههههههههه
ايه يا كريم مش قولت لك نااافق شويه ولى ايه ههههههههههههههه
بس انت ماشاء الله عملت تحليل نفسى فى ثوانى على فكره انا معترفه انى فى التراوه هههههه بس والله فى الجد عاادى وبموووت فى انى اغيظ غااااده جداااا وميرنا كمان و مع انى بشلها بس عمرها ما اتعصبت مع انى بشلها بجددد علشان كده عمرى ما اصدق انها بتتعصب بسرعه ابداااااا

الأميرة الهجينة كتب:

حرام عليكى يا رنا
ارحمى البت شوية

وهووو انا لحقت اقول حاجه لسه ههههههههههههههههه
ما انتى عارفه مابصدق اسخن ميرنا على حد
هههههههههههههه
بس ظلماناه طلع النت عنده بايظ
هههههههههههه

هو لازم خمس امنيات ما ينفعش تلاته بس
علي العموم امنيات هي كالاتي :
1)اطلع مهندس او لاعب كوره قدم ان شاء الله
2)اتجوز اللي بحبها
3) اسافر الهند