وديع الصافي
امي يا كلمة حب غناها الزمان
والبحر نقطة صغيّرة من قلبها
ربي نزل عالارض مرة وحبّها
هو الحنان وقال لها اسقيني الحنان
شو الحلم لولا صوتها وهاك الزنود
يا المرجحوني ومرجحوا اجيال
يا صوتها يما النغم شلال
منبعه من حدود ما بعدها حدود
يا إيدها القدرت تهز الكون
يا اختها الهزت سريري هون
يا وعدها الغير شكل عن كل الوعود
من قلبها لعيونها كل الوجود
قبل الشمس امي شرقت وبعدها شارقه علي
يا ألف زهرة اتفتحي لامي واتجمعي برفّات عيني
ولمين بدي اهديهن بعرف لمين
للحاملة عن إبنها هموم السنين .
حبيتها ومش مثل ما حبيت
وزهر الشعر من حبّها لمّيت
عطيت الدني ولبنان أشعاري
وخبّرت للحلوين أسراري
وأجمل قصيدة نظمتها وسميتها أمّي
وبكوخ عيونها خبيتها