مدرسة ميت كنانة الريفية الاعدادية
أنت غير مسجل لديناللتسجيل إضغط .....هنـــالاتنسونا من صالح دعائكم ....رضا منتصر

مدرسة ميت كنانة الريفية الاعدادية

منتدى تعليمى تربوى ثقافى يسعى لنشر ثقافة الجودة
 
الرئيسيةالبوابةمكتبة الصورالتسجيلدخولمجلة الريفيةبحـثس .و .جاليوميةالأعضاءالمجموعات
رمضان كريم وعام دراسى سعيد
دعوة لجميع اعضاء المجتمع المحلىلمشاركة المدرسة 
لتحقيق الجودة والاعتماد التربوى
              ( قائدفريق المشاركة المجتمعية// رضامنتصر)

      

      

      

   

يسعد المدرسة ان تعلن عن فتح المكتبة للاطلاع والاستعارة
ومعامل الحاسب للتدريب لجميع الفئات من ابناءالقرية
ويسعدنا الاعلان عن قرب اعادة افتتاح المنتدى الاجتماعى
 بعد انتهاء اعمال الصيانة اعتبارا من اول مايو 2010
برجاء سرعة الاشتراك اوسداد الاشتراكات للاعضاء القدامى

المواضيع الأخيرة
رؤية المدرسة

نتطلع أن تكون المدرسة رائدة متميزة محفزة للتعليم والتعلم ، سمتها التميز والإبداع ، غايتها متعلم مؤهل فعال منتمى لدينه ووطنه في ظل مشاركة مجتمعية فعالة.

رسالة المدرسة

تلتزم المدرسة بتحقيق الرؤية عن طريق :-

1- جعل المعلمين بالمدرسة ذوى خبرة مهنية مستدامة ومتطورة .

2- استخدام التكنولوجيا في العملية التعليمية ( التعلم النشط ).

3- تشجيع المتعلم على الإبداع والابتكار والتميز.

4- بث روح الولاء والانتماء للوطن.

5- أن يكون هناك تواصل بين المدرسة والمجتمع والمجتمع و المدرسة      ( المشاركة المجتمعية ).


شاطر | 
 

 كشف المستور؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الفارس الملكي



عدد المساهمات : 22
تاريخ التسجيل : 20/03/2010
الموقع : elfares_elmalaky@yahoo.com

مُساهمةموضوع: كشف المستور؟؟؟؟؟؟؟   الإثنين 29 مارس 2010, 4:15 pm

من الواضح ان أدارة الممدرسة عايزانا دايما نمدح فيها ودا مش طبعنا احنا بنمدح بس الحاجات اللى تستحق ودا واضح لما مدحنا فى المنتدى والأدارة فى بعض أعمالها وكمان بعض المدرسين المحترمين اللى ما سمعناش لهم مشاكل وكمان من حقنا ننقد الأخطاء وما نبقاش عاملين زى(كدابين الزفة) حتى تستطيعوا تصحيح الأخطاء وهذا حوار دار بين مدرس جديد وأخر خبرة في المدرسة لعلكم تفتحوا عيونكم على الواقع
م.ج/ السلام عليكم ايه النظام فى المدرسه هنا حضرتك اقدم منى فى المدرسة وانا محتاج خبرتك
م.خ/هنا احنا ماشيين بنظام عادل كل مدرس مكرتن فصله ومقفل عليه وما فيش....بيعض فى ودن أخوه
م.ج/حضرتك أنا مش فاهم حاجة انت بتتكلم عن ايه!!!
م.خ/مش أنت بتسأل عن نظام الدروس الخصوصية؟
م.ج/لأ . حضرتك أنا بسأل عن نظام التعليم التربوى اللى أنتوا متبعينه هنا فى المدرسة
م.خ /نظام تعليمي ايه ياعم صلى على النبى اصحى معايا كده علشان تعمر هنا وتاكل لقمة عيش حلوة
م.ج/حضرتك أنا حاى هنا علشان ادرس بما يرضى الله وادى رسالة للطلبة الغلابة
م.خ/أأأأأأأأه شكلك كدة من بتوع الشعارات والكلام الأهبل بتاع الجامعة وهتقرفنا السنة دى ياابنى افهم احنا أهم حاجه عندنا الدرس المخصوص الل بيجيب الفلوس ما تفهموه باأساتذة.... ولا أنتوا مش معايا
المدرسين:أيوة طبعا معاك يا كبير بص يااستاذ انت لسه جديد واحنا هنا ماشين بنظام ياريت تفهم ان اهم حاجة عندنا ان مافيش طالب ياخد درس بره
م.ج/ بس أنا حضراتكوا مايهمنيش موضوع الدروس خالص أنا المهم عندى أفهم
م.خ/ لأ ياحبيبى لازم تهتم لأن لازم تبقى معانا وألانزعل منك وأحنا زعلنا وحش قوى مش هتقدر عليه
م.ج/ طيب وأنتوا عايزنى أعمل أيه يعنى أدى العيال دروس بالأجبار ياجماعة حراااااااااااااام
المدرسين/ يابنى سيبك من الحرام والحلال الكلام ده مابيكسبش أهم حاجة نتعاون مع بعض علشان نلم الطلبة ده حتى ربنا بيقول (وتعاونوا على البر والتقوى
م.ج/ ياجماعة بر ايه انتوا عايزينى اغضب ربنا وبعدين اجبر الطلبة ازاي
م.خ/بص بقى أنا هنصحك لوجه الله وربنا يكافئنى بص انت أول ماتدخل الفصل تكشر فى وشهم وتزعق وتقولهم مين اللى بياخد درس بره
م.ج/ الله الله على النصيحة والأيمان قول يا باشا وفهمنى وبعدين أعمل أيه
م.خ/ وبعدين تقوم العيال دى وتحذرهم انهم لو ما جوش عندك درس هايشوفوا أيام سودا على أيديك وتصتقصدهم فى الفصل وتسألهم الأسئلة الصعبة وطبعا مش ها يجاوبوها فتديهم صفر وكدة ياعم ما نبقاش ظلمناهم شفت أحنا قلبنا طيب أزاى
م.ج/ وأدارة المدرسة أيه أخبارها مش هاتحاسبنا ولا تعاقبنى حتى
م.خ/ لأ من الناحية دى ماتقلقش الأدارة معانا وعارفة كل حاجة ما الخير بيعم على الكل وبعدين كل شيئ مدروووووووووس دول هما حتى الستارة بتاعتنا
م.ج/طيب وأذا الطلبة اشتكت وأولياء الأمورغضبت
م.خ/أدارة المدرسة هتقابله بالصوت وتقوله بنتك هيا اللي فاشلة ومحتا جة رباية وأن المدرس خايف على مصلحتها وتخليه كمان يعتذر شغل يابنى على ميه بيضا كل شيئ مدروووووووووووس
م.ج/ طيب أيه أخبار النتيجة والعيال الفاشلة بجد ياكبيييييييييييير
م.خ/هههههههههه دى اسهل حاجة أحنا أهم مبدأ عندنا المصداقية طبعا ما دام جه عندنا الدرس لازم ينجح حتى لو مشينالله الغلط صح بالتعاون مع أدارة المدرسة والكنترول أصل أحنا هنا أسرة مع بعتتتتتتتتتتتينا وكلواحد بياخد لقمة من الفطيرة مش قولتلك كل شيئ مدروووووووس
م.ج/هههههه أسرم مع بعضيكوا!!!دا أنتوا أسرة انا مش مصدق اللى بسمعه أنا حاسس أنى دخلت طابونة الحاج( عماد) مش مدرسة الجودة والأعتماد!!!! حسبى الله ونعم الوكيل
من الفارس الملكى الى أدارة المدرسة هذا حوارحقيقى والله ماقصدت التجرييييييييييييييح ولككككككن التوضيييييييييييييييييييييييييييييييييييييييح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اعتماد يحيى



عدد المساهمات : 121
تاريخ التسجيل : 01/11/2009

مُساهمةموضوع: رد: كشف المستور؟؟؟؟؟؟؟   الإثنين 29 مارس 2010, 5:54 pm

بسم الله الرحمن الرحيم
( وان ليس للانسان الا ماسعى وان سعيه سوف يرى ثم يجزاه الجزاء الاوفى )
صدق الله العظيم
لااملك الا ان ادعوا لكم ان ينير الله بصيرتكم قبل ابصاركم لانه لا تعمى الابصار لكن تعمى القلوب التى فى الصدور
وانا دائما مؤمنة بقوله تعالى
بسم الله الرحمن الرحيم
( ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه)
صدق الله العظيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرح



عدد المساهمات : 7
تاريخ التسجيل : 29/03/2010

مُساهمةموضوع: رد: كشف المستور؟؟؟؟؟؟؟   الثلاثاء 30 مارس 2010, 12:25 am

من حقك ان تنتقد وتبدى رأيك ولكن ليس من حقك ابدا ان تتهكم على غيرك حتى لو كان مخطئا بل من واجبك أن تقدم له النصح هذا اذا سلمنا بصحة ما تنقله واذا افترضنا وجود شخص او اشخاص سيئين فى منظومة معينة مثل هذه المدرسة التى تتحدث عنها والتى تشرفت بارتيادها فهذا لا يعنى سوء كافة الافراد فمن خلال احتكاكى الشخصى استطيع ان أجزم بوجود الكثير من الاشخاص الذين يبذلون اقصى جهدهم للارتقاء بمستوى هذه المنظومة دون المطالبة بأى مقابل بل ينتظرون الجزاء من الله عز وجل واقول لكل من اجتهد منهم اطمئن فلابد للخير من جزاء
من
يفعل الخير لا يعدم جوازيه لا
يذهب العرف بين الله والناس
واقول لك ايها الفارس

إذا
نظرت بعين التفاؤل إلى الوجود رأيت الجمال شائعاً في كل ذراته، حتى القبح تجد فيه
جمالاً..
ولكننى اظن أنك تبحث بكل ما أوتيت من قوة لتجد ذرة من القبح فى كيان يسعى لنشر العلم والخير والجمال وأرى أنك مدفوع برغبة دفينة فى تشوية كيان لا يبغى سوى الارتقاء بمستوى التعليم الذى يتلقاه ابناؤنا الطلبة حملة شعلة المستقبل فراجع نفسك وتأكد من صدق وصحة مصادرك فالكلمة سهم اذا انطلق لا يرد دون أن يصيب واذا اصاب سهمك مظلوم فيا ويلك من الخالق وان ربك لبالمرصاد.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سيدة الادغال



عدد المساهمات : 37
تاريخ التسجيل : 20/09/2009
العمر : 22

مُساهمةموضوع: رد: كشف المستور؟؟؟؟؟؟؟   الثلاثاء 30 مارس 2010, 11:42 am

لا يا فرح انا شخصيا دورت علي حاجة حلوة اكتبها عن المدرسة ملقتش وبعدين من ح اي حد انه يكشف عن الي غيره بيعمله ليعطي للسيدة مديرة المدرسة صورة حقيقة عما يدور بداخلها ولا نفضل نقول لا المدرسين ملايكة والحياه ماشية فلة شمعة منورة طب حضرتك ممكن تقوليلي شفتي ايه جميل في المدرسة غير شكلها ومنظرها وانا برضو هرد عليكي اه نستيني مشكوووووووووووووووووور علي الموضوع مستر فارس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرح



عدد المساهمات : 7
تاريخ التسجيل : 29/03/2010

مُساهمةموضوع: رد: كشف المستور؟؟؟؟؟؟؟   الثلاثاء 30 مارس 2010, 9:44 pm

معقول يا سيدة الادغال مش لقيتى ولا حاجة حلوة تكتبى عنها فى المدرسة كل المدرسين بيضطهدوا الطلبة عشان الدروس الخصوصية! مفيش ولا مدرس اتعلمتى منه حتى حرف بدون مقابل !كلهم ظلمة ومفتريين كدا؟ ولا انتى بتعتمدى على ذكائك بما انك قلتى فى موضوع تانى انك أذكى من المدرسين اللى فى المدرسة!! انا شايفة انك تراجعى نفسك تانى وتفكرى كويس لان من علمنى حرفا صرت له عبدا وكل كلمة بتقوليها هتتحاسبى عليها لو مش فى الدنيا فهيحاسبك الذى لا يغفل ولا ينام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفارس الملكي



عدد المساهمات : 22
تاريخ التسجيل : 20/03/2010
الموقع : elfares_elmalaky@yahoo.com

مُساهمةموضوع: رد: كشف المستور؟؟؟؟؟؟؟   الأربعاء 31 مارس 2010, 2:25 am

على فكرة يا فرح انا لم اقصد ابدا التهكم بأحد ولا أكن لهذه المدرسة غير الحب وهذا ما يجعلنى اتمنى ان أراها بدون أخطاء ولهذا أحاول اظهار نقاط الضعف حتى تحاول أدارة المدرسة علاجها فالصديق الحق من صدقك القول وليس من صدقك وأذا كانت المدرسة تخلو من العيوب فماذا تقولي عن الشكاوى التى نسمعها من الطالبات وأذا كنت لا تسمعين عنها فأ نصحك بغسل أذنكي أما عن اسلوبى فلو انكى تقرئين كثيرا لعلمتى أنه اسلوب يستخدمه الكتاب والشعراء ليعبروا به عن أرائهم مثل صلاح جاهين بيقول
وقفت ساعة الصبح بغسل سنانى
قالت لى شايف قوتى ولمعانى
ايش تطلب اليوم منى ضحكة أسد
ولا ابتسامة اعلان أمريكانى
وعجبييييييييييييييييييي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرح



عدد المساهمات : 7
تاريخ التسجيل : 29/03/2010

مُساهمةموضوع: رد: كشف المستور؟؟؟؟؟؟؟   الأربعاء 31 مارس 2010, 11:42 pm

انا لم أقل ابدا ان المدرسة تخلو من العيوب فهى مثل اى منظمة أخرى يوجد بها السئ والجيد واذا كنت بالفعل تحب المدرسة وتعتبر نفسك صديقا يقدم النصح لمن فيها فكان عليك ان تكون منصفا وتذكر مميزاتها فلا يوجد مكان بالعالم ليس له مميزات مهما كان سيئا وقبل ان تطلب منى الحياد فى الرأى عليك ان تطبق الحياد فى النقد يا من يسير على خطى صلاح جاهين وأمثاله من العظام الذين ملؤا حياتنا بالبهجة فى أحلك اللحظات بنقدهم الذكى البناء وليس بنقد يتصيد فقط الاخطاء بسوداوية غريبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كشف المستور؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة ميت كنانة الريفية الاعدادية :: صندوق الشكاوى والمقترحات-
انتقل الى: