يا حبيبي يا ريس

عزيزي الغالي الرئيس محمد حسني مبارك اتمني ان تكون بصحة جيدة وربنا يطول فى عمرك احب



انا اقول لك لا تنظر وراءك الى الحاقدين فانت اب لكل المصريين وان طلبت روحي لاعطيته لك بنفسا



راضية فانت ابن بلدنا مصر الذي تتمناه اي بلد ان يصبح من ابناء واقول لكل واحد حاقد على مصر او



حاقد على الرئيس واقول له انت لا تهمنا وفالرئيس مبارك حتة مننا كمصريين ولو كل الناس كرهته



انا هحبو لاني فعلا اعتبره مثل ابي واقول له انا اسف نيابة عن الذين اهانوك يا عظيم ولا تحزن



فانت اسد ورجل لم اري مثل واتمني من الله ان يرحمك ويدخل الجنة فى الفردوس مع الانبياء



وشكرا لك على كل ما فعلته لنا ولمصر وان كان بعضهم ناكرين للجميل فالبعض لا ينكر فضلك



بعد فضل الله واقول شكرا على كل شي


وياريت كل واحد يقول هل هو معارض للريس ولا مؤيد ؟؟؟؟؟؟؟

لاء طبعا انا مؤيده للرئيس مبارك جدااااااااااااااااااااااااااااا جداااااااااااااااااا بس لحد مافترته تخلص وبعدها طبعا ميترشحش تانى
الرئيس مبارك تعب جدااااااا علشان يوصل مصر للى هى فيه دلوقتى................
مبارك لما حكم مصر كانت لسه خارجه من حرب ومع كده عرف يواقف مصر على رجليها تانى وعلى مدار 30 سنه كان حمينا من اى حرب مع اى دوله خارجيه وخاصه ان اسرائيل على حدود مصر وكمان السودان الى اتفصلت وبقت حدودها خطر علينا................
وعمل مشروعات كتيررررره اوى وبنا مدينه سته اكتوبر والعاشر من رمضان يعنى عمل حاجات كتيرررر اوى للبلد.......
وكفايه اوى انه كان صاحب الضربه الجويه الاولى يعنى كان ممكن يبقة شهيد...... ده حتى الرئيس السادات اشاد بيه جدااا وقال ان اسرائيل بتحترمه اوى علشان الى عمله فيهم فى الحرب.......... وغير كده لو كان مش وطنى كان ساب مصر وهرب زى رئيس تونس وساب البلد فى فوضى..... بس مش مبارك الرجل العسكرى الى يعمل كده لانه قبطان السفينه والقبطان لازم يخرج اخر واحد منها حتى لو بتغرق فأنا بحيه على وطنيته وانا بردو مش بنكر انه فى فساد كتير فى البلد..... بس لازم مفيش حد كامل واعتقد ان الفساد ازداد اوى فى اخر فتره حكمها الرئيس بس مع كده لازم الرئيس يخرج من الحكم بصورة مشرفه ليه ولينا لانه حاكم دوله متحضره زى مصر مينفعش يرحل او يتخلع او او ....... وهو بنفسه قال انه مش هيرشح نفسه تانى للانتخابات فخلاص بقى يبقى هو كده عمل الى عليه .......
...وربنا يستر على البلد بالزات فى الايام الى جايه يـــــــــــــــارب
وســــــــــــــــتورى اوى انى طولت عليكم
تحياتى ليكى يا سكره

شكرا على الموضوع
وياريت نحط فى المنتدي مواضيع جديد
وعدم نقل المواضيع ولو حصل نحط منقول
واحب اسأل ورود الليل على شي فى ردها
ما هذه الكلمة
ستوري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اتقصدين سوري ام ماذا
وشكرا لكم

بس واضح يا ورود الليل ان لكي نظرة سياسية جيدة

وبالرغم انكي خارج مصر !!!

ولا تشاهدين ما يحدث!!!!

فالامر يختلف كثيرة لو رايت من الخارج

تعيشي يا بلدي كتب:

شكرا على الموضوع
وياريت نحط فى المنتدي مواضيع جديد
وعدم نقل المواضيع ولو حصل نحط منقول
واحب اسأل ورود الليل على شي فى ردها
ما هذه الكلمة
ستوري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اتقصدين سوري ام ماذا
وشكرا لكم

معلش انا كنت اقصد سورى

ناسف يا ايتها الاميرة فنحن كلنا تقريبا مؤيدين للرئيس مبارك هذا الرجل العظيم
وابانا جميع وجميع من فى المنتدي الذي رايتهم مؤيدين
والحمد لله الجميع مؤيد لان هذا الرجل لا يستحق منا الا كل احترام
اما انك معارضة فلكي الحق
ولكن يجب ان تبرزي لنا السبب
فلا اظن انك تعانين من مرض قاتل والحمدلله والله اعلم
ولا انتي فقيرة
واكيد انتي متعلمة
فماذا بخل عليكي هذا الرجل كي تكرهيه
هل تعرفيته جيدا؟؟؟؟؟؟؟؟؟؟
فهو رجل الحرب
وبعدين احب اقول لك لحظي اننا 80 مليون
وشكرا

انا اضم صوتي لصوت تعيشي يا بلدي
وياريت با اميرة تحترمي
الرئيس حسني مبارك اكثر من هذا
لانكي ان لم تفعلي فلن تلقي الا ردا لا يعجبك
من ابناءه الذين لا يرضون له الاهانة
وشكرا جداااااااا
لتعيشي يا بلدي

اولا اسمح لى انى اقولك انك مش بتفهم اى حاجة.
ثانيا: يوجد أسباب عده لكراهيتى للرئيس مبلرك ومنها انجازاته .وهى :
1_القضاء على الديمقراطية والدليل على كده ان اى حد بيكلم بيروح عالمعتقل .
2_قام بجعل التعليم فى مصر ممتاز وذلك لانه يعتمد على الحفظ للاسف مش الفهم والدليل على كده ان اى عالم مصرى بيظهر فى الاوساط العلمية فى اوروبا والولايات المتحدة الامريكية ،ولو ظهر واحد عالم مصرى فى مصر بيدوس عليه برجليه .
3_قام بحماية شباب مصر وذلك عن طريق انه جعل كل شاب بعد التخرج يرتاح فى بيته وميشتغلش!!!
ولكن قامبتوفير بض المشقة لاولاد اصحاب النفوذ والوزراء (وظيفة محترمة).
4_قام بتريح الشرطة عالآخر وجعل الشعب فى خدمتهم .
5_كان مثالا للتسامح حيث انه بعد الانتخابا الاخيرة له نفى السيد ايمن نور منافسة والحاصل على المركز الثانى فى الاصوات بعد تزوير اصوات عدة لمبارك، بالرغم من ان أوباما عين منافسته وزيرة للخارجية.
6_قام بحمايتنا من الماء الملوث وريحنا منه واتفق مع اسرائيل علشان تاخد حصتنا .
7_قام بحماية محاصيلنا وذلك عن طريق استيراد شتلات وبذور مسرطنة من أسرائيل ومتنكرش كده .
8_قام بحماية ثرواتنا المعدنية وقام بتصديرها لى الخارج.
9_ام بعمل الديد من المنتجعات السياحية والقرى للشباب والشقة بمليون جنيه .
10-كان قدوة فى قوة التحمل حيث انه قال لنا "سوف ابذل قصارى جهدى لكى اجعلكم فقراء".
وغيرها من الاسباااااااااااااااااااااااااااااااااااب
وأظن بعد كده انه تبين لكم الامر ،ولو قولت احنا 80 مليون لو هو مش قد لامانة ميحملهاش
لانه لو مكنش عارف فساد البلد فذلك لانه حاكم فاسد
عذر اقبح من ذنب.............
فظهر لاصحاب العقول ان الرئيس ليس بالجيد على الاطلاق وانه فعلا يستاهل الحرق ومن كانت له وجهة نظر أخرى فأحب ابشره بأنه جاهل للسياسة الحقيقية .....
وشكرا

أعتذر عن الاخطاء الاملائية وذلك لسرعة الكتابة............ز

اولا:على فكره يا اميرة الهجينه مش ينفع خالص تقولى لحد انه مش بيفهم حاجه او انه جاهل سياسيا
لان دى وجهات نظر انا عن نفسى محترمه جداااا وجهة نظرك فلازم انتى كمان تحترمى وجهة نظرى بغص النظر عن مين الى صح ومين الى غلط مع ان بصراحه الحق واضح جدااا
ثانيا: انا اعترض جدااااااا على ان منهج مصر منهج حفظ وبـــــــــــــــــــــــــس بالعكــــــــــــــــــــس
وده عن تجربه انتى عارفه انى مش عايشه فى مصر (انا فى السعوديه ) وبدرس فى مدارس السعوديه والمنهج بصرااااااااحه ضعيف جدااااااا ومفيش اى علم انا بالنسبه لهم (البرت اينشتاين) و اكتر كمان
حتى بالنسبه للمدرسات مش مصدقين وكل مدرسه تيجى تسألنى انتى كنتى بتدرسى فى مدرست ايه اقولها فى مصر تقولى اكيد مدرسه خاصه او انترنشونل مع العلم انى بدرس فى مدرسه خاالصه هنـا (فى السعوديه) يعنى المفروض تكون كويس والهى انى بحاول اخد دروس فى الاجازه علشان مستواي بينزل من المناهج دى ......

يجب عليكي يا اميرة احترام واجهات نظر الاخرين
فليس كل واحد لا يتبع وجهة نظرك وسياستك فانه جاهلا سياسيا او لا يفهم شئ
فهذا يسمي كبر والله اعلم
ولقد قال رسول الله صلي الله علية وسلم لا يدخل الجنة من فى قلبه ذرة كبر
فيجب عليكي احترام رايي ووجهة نظري
كما احترم رايك ووجهة نظرك مهما كانت
وارجو منكي عدم الشتم او السب فى الرد او الموضوع
لاني لن اقف مكتوف الايدي بل سأرد بمثل الصياغة لان ذلك من حقي
واتمني الا تأخذي ردي على محمل شخصي فانا فقط
ارد على ردودك وموضوعات
فأرجو منكي احترام راي الاخرين
وعدم توجيه السباب والشتايم لي
لاني سوف ارد بمثله ولن يعجبك
فان تحترمني احترامتك
واحب اشكر ورود الليل على ردها
وتحياتي للجميع

على فكرة انا بحيي الجميع على ردودهم وبالذات تعيشي يا بلدي ‏
وواضح ان اميرة بتمارس نفس اسلوبها اللي هو اللي مش نفس وجهة نظري يبقى جاهل سياسي ‏
على فكرة انتي كده بتثبتي اكتر انك مش فاهمة السياسة صح او فاهمه بطريقة غريبة ‏
انا مش قادر افهامها ‏
وبردوا بحيي كاتب الموضوع على التوبيك الجميع ‏
وتحياتي لكم جميعا

لا تعليق ....