دعوة عامه لكل مصرى

السلام عليكم ورحمة الله وبركاته

انا هنزل شغلي بكرة ، وانا هفتح محلي بكرة ، وانا رايح عيادتي بكرة ،
و انا هاخد الولاد ونروح النادي,, وانا هروح اذاكر مع صحابي,, واحنا هنتعشي برة ، وانا هساعد في تنضيف الشوارع ، انا بالليل هزور قرايبي .. وانا من الصبح بدري هروح رحلتى اللى اجلتها .. وانا .. وانا .. وانا .........


كل ده حيحصل بآذن الله لأن الشعب قرر تجاهل المظاهرات ,,
اللى يحب يروح ميدان التحرير يتفضل,,فى هناك حفلات وصحبة حلوة وأكل وشرب...على عيننا وراسنا..
لكن احنا هنشوف حياتنا ومستقبلنا وندور على أكلنا وأكل عيالنا...
لأننا مش لاقيين أكل زيهم ولا عارفين نضحك ونهزر ونتريق زى مابيعملوا...


كفاية بقى واسلمى يامصر...

ابسط حقوقنا مش عارفين ناخدها ..
فين الامن والامان .. فين السلاام .. فين الطمآنينة .. مصالحنا اتعطلت كتير ..



خلاص طلعنا وأخدنا اللي عايزينه ,,وتمت التعديلات وابعاد الفاسدين ووقف التوريث وتغيرت الحكومة...
ووجودى فى الشارع اصبح مالوش لازمة ...
واللى ماتوا بنحتسبهم عند ربنا شهداء وربنا اللى هياخد حقهم من اللى ظلمهم ..


احنا الشعب قررنا تجاهل المظاهرات والرجوع للحياة الطبيعية,, للأستقرار والشرعية(الدينية والدستورية)


أنا مصرى,,
بحب المؤيد والمعارض,,وبحب اللى فى التحرير ,,,,,
وزى ماخفت عليهم,,يخافوا عليا وعلى عيالى والأهم على بلدنا....

لو موافقنى في كلامي ,, انشر....

وكفايه تعبنا حرام عليكوا في ناس رزقها يومي قطعتوه

بعد ما يمشي النظام الحاكم ..
الحاكم الجديد هو اللى هيشغل 80 مليون مصري يعنى ؟؟

هو اللى هيآكل كل الفقرا دول ؟؟

هو اللى هيحمى بلدنا من الخراب ؟؟

هنقدر نعينه خلال يوم ؟؟

حرااااااااااااام كفايه تعبنا

انا لا مؤيد ولا معارض انا بحب مصر وبس .. بس مبارك حرااااام يخرج بالاسلوب ده

انا مصري عايز اعيش في بلدي وعايز بلدى متخربش قدام عنيا


اتنفس وانا مش خايفه

انام بالليل وانا مطمن مش خايف يجى حرامي ويسرقني

انا مطلبتش غير التغيير واهو حصل ؟

مش ينفع اصبر 6او7 شهور يعنى ؟ منا صابر 30 سنة ؟؟

انهاردة بيدوك وجبات في التحرير بكرة .. ولا يعرفوك ؟؟

فكروا يامصريين ؟؟ احنا شعب مستهدف من العرب قبل الاجنبى
والاجانب مستنين اى لحظه ضعف ويتدخلو فى شؤنا........
ومن الاخر الريس مش هيخرج من مصر ابدااا بالطريقه دى حتى لو فضلت المظاهرات لحد 6 اشهر الى هتخلص فيهم مده حكمه
حرام فوقوااااااااااااا
سورى على الاطاله

على فكرة المسألة ما بقتش مصريين وقفين فى التحرير بيطلبوا بالتغيير دلوقتي معظم
اللي فى الميدان اخوان مسلمين يعني مهما قولتي مش هيفيد لن دول
وجايين يحقق هدف ومش هرجعوا انه هم اصلا مش فارق معهم
والله اعلم عايشن فى قصور وبيأكلوا من اواني دهب
بس ياريت يفهم المصريين المساكين اللي فى التحرير
واللي مش فهمين اللعبة اللي هتودي مصر فى داهية
وميرسي لكي جدا على موضوعك بس ياريت حد يسمه

بحب البلد دي كتب:

على فكرة المسألة ما بقتش مصريين وقفين فى التحرير بيطلبوا بالتغيير دلوقتي معظم
اللي فى الميدان اخوان مسلمين يعني مهما قولتي مش هيفيد لن دول
وجايين يحقق هدف ومش هرجعوا انه هم اصلا مش فارق معهم
اوك بس فى حزء منهم شباب مضحوك عليه فلازم يفوق ويرجع بيته علشان البلد دى حراااااام كده
والله اعلم عايشن فى قصور وبيأكلوا من اواني دهب
على فكره عندك حق انا لسه امبارح شايفه يوتيوب لاثنين اتجوزو فى ميدان التحرير وشغلو اغانى والحياة فل هناك ومش فى دماغهم البلد ولا الى بيجرى فيها

بس ياريت يفهم المصريين المساكين اللي فى التحرير
واللي مش فهمين اللعبة اللي هتودي مصر فى داهية
هما دول بالظبط الى انا بوجه لهم الرساله

وميرسي لكي جدا على موضوعك بس ياريت حد يسمه

يـــــــــــــــــــــارب ومتشكرة لكى اوى ياقمر