يا أمي يا غلا الدنيا

يا أمي يا غلا الدنيا وأصدق عاطفة في الكون
وأدفا حضن يحضني وأكبر قلب يحويني
أنا بك دنيتي جنا وبسماتك مطر ومزوح
وضحكاتك ربيع أخضر زهوره فتحت فيني
اذا شفتك آرى الدنيا صباح بالفرح مسكون
واذا غبتي عن عيوني يغيب النور عن عيني
عشقتك والهوا طفل ربا في خافق المفتون
تربى هذا الطفل وأصبح غرامه يسبق سنيني
أنا يمي أنا يمي ترا ما وفيك مهما يكون
جميلك دين في عمري وربي بيك موصيني
ومهما عشت ليك وافي بظل الوافي المديون
لأنك روح في قلبي ودم في شراييني
إلى لله رافعن كفي دعاي أنه مرضك يهون
عسا يشفيك لي ربي يا أمي يا نظر عيني
ومهما عشت لك وافي بظل الوافي المديون
لأنك روح في قلبي ودم في شراييني